İraqda yeni koronavirusa gündəlik yoluxmada rekord say qeydə alınıb. ONN media xəbər verir ki, bu barədə ölkənin Səhiyyə Nazirliyinin məlumatında qeyd edilib. Belə ki, son gündə 5 036 yeni COVID-19 hadisəsi qeydə alınıb, 3 611 nəfər sağalıb, 84 xəstə ölüb. Beləliklə, İraqda koronavirusa yoluxanların sayı 252 mini keçib, bunlardan 191 mindən çoxu sağalıb. Nazirlikdən bildirilib ki, ümumilikdə 7 359 nəfər koronavirusla əlaqəli xəstəliklərdən ölüb. Hazırda reanimasiya şöbələrində 495 xəstə var.