Ermənistanın 56 yaşlı polkovniki Sasun Hunanyan ölüb. ONN media xəbər verir ki, bu barədə Ermənistan Müdafiə Nazirliyi məlumat yayıb. Hunanyan Qarabağ müharibəsi dövründə, əsir düşmüş azərbaycanlılara qarşı vəhşilikləri ilə xüsusi “fərqlənib". Cavaxetiya əsilli erməni polkovnik erməni terror qruplarının tərkibində Azərbaycan ərazilərinin etnik təmizlənməsində və işğalında iştirak edib, 2001-ci ildə Ermənistan Müdafiə Nazirliyinin N saylı hərbi hissənin kəşfiyyat bölümünə rəhbərlik edib, 13 il sonra isə təqaüdə çıxıb. Erməni KİV-ləri Hunanyanın araqdan zəhərlənərək öldüyünü bildiriblər. Qeyd edək ki, rəsmi məlumata görə, Ermənistanda son 10 gündə 19 nəfər araqdan zəhərlənərək ölüb.