Millətimizin tarixinə, mədəniyyətinə, dəyərlərinə və inanclarına qarşı çıxanların məqsəd və üsullarını heç vaxt unutmayacağıq. ONN media xəbər verir ki, bu sözləri Türkiyə Prezidenti Rəcəb Tayyib Ərdoğan 1980-ci il sentyabrın 12-də Türkiyə ərazisində baş vermiş hərbi çevrilişin 40-cı ildönümü münasibətilə Demokratiya və Azadlıqlar Adasında keçirilən “Qəyyumluqdan demokratiyaya milli iradə” adlı simpoziumda çıxışı zamanı bildirib. 12 sentyabr çevrilişinin bir ssenari əsasında həyata keçirildiyini qeyd edən Rəcəb Tayyib Ərdoğan Türkiyə xalqının 15 iyul hadisələri zamanı bunun layiqli cavabını verdiyini deyib. “Hər bir çevriliş əvvəlkilərin çatışmazlıqlarını və uğursuzluqlarını tamamlamaq məqsədilə həyata keçirilir. Demokratiya qarşısındakı maneələri bir-bir təmizlədik”, - deyə Türkiyə Prezidenti vurğulayıb.