Quba rayonunun Dağlı kəndində güclü yanğın olub. ONN media Fövqəladə Hallar Nazirliyinə istinadən xəbər verir ki, ümumi sahəsi 240 m² olan, taxta konstruksiyalardan ibarət birmərtəbəli binanın (əvvəllər orta məktəb kimi fəaliyyət göstərib) yanar konstruksiyaları, yaxınlıqda yerləşən ümumi sahəsi 36 m² olan tövlənin 2 ədəd qapısı və tövlənin içərisinə yığılan 5 ton bağlamasının 3 tonu yanıb. Tövlənin və ot bağlamasının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.​ Araşdırma aparılır.