Liviyada helikopter qəzası olub. ONN media  xəbər verir ki, Sukne bölgəsində “Vaqner” muzdlu döyüşçülərini daşıyan hərbi helikopter qəzaya düşüb. Bu barədə Liviya Sirte və Cufra Birgə Əməliyyatlar Dairəsinin sözçüsü Əbdülhadi Dirah jurnalistlərə açıqlamasında məlumat verib. Onun sözlərinə görə, helikopterdəki sursat partlayıb. Hadisə ilə bağlı detallar açıqlanmayıb. Qeyd edək ki, “Vaqner” muzdlu döyüşçü qruplaşması Rusiyaya məxsusdur.