İran Dağlıq Qarabağdakı hərbi əməliyyatları yaxından izləyir. ONN media  xəbər verir ki, bunu İranın Rusiyadakı səfiri Kazım Cəlali RİA “Novosti”yə açıqlamasında deyib. Səfir qeyd edib ki, İranın münaqişənin bütün tərəflərilə sıx və ciddi təmasları var. Ermənistanın Dağlıq Qarabağ münaqişəsi zonasından İranın sərhəd ərazisinə oktyabrın 20-də daxil olan pilotsuz uçuş aparatının məhv edilməsini xatırladan səfir İran İslam Respublikasının bu kimi hadisələri qəbuledilməz hesab etdiyini və lazımi tədbirlər görəcəyini vurğulayıb.