Ermənistan parlamenti növbədənkənar iclasında "Hərbi vəziyyətin hüquqi rejimi haqqında" qanuna əlavə edilməsi barədə layihəni müzakirə edir. ONN media  xəbər verir ki, bu əlavə hərbi vəziyyətə görə hüquqi və fiziki şəxslərin şəxsi əmlakının müsadirə edilməsinə dair qanun layihəsini ehtiva edir. Müdafiə nazirinin müavini Qabriel Balayan parlamentin növbədənkənar iclasında bildirib ki, qanun layihəsində fiziki və hüquqi şəxslərin şəxsi əmlakından istifadə edilməsi lazım olduqda ortaya çıxan münasibətlərin tənzimlənməsi nəzərdə tutulur. Qanun layihəsində götürülmüş əmlakın istifadəsinə dair zəmanətlər və prosedurlar, bu əmlaka ziyan dəydikdə təzminat şərtləri və məbləği ətraflı şəkildə verilib. Bu isə o deməkdir ki, Dağlıq Qarabağın azad olunması uğrunda gedən döyüşlərdə uduzaraq geri çəkilməyə məcbur qalan Ermənistan ordusu istənilən an dinc əhaliyə məxsus bütün əmlakdan istədiyi formada istifadə edə bilər.(publika.az)