Türkiyənin İzmir şəhərində 30 oktyabrda baş verən 6,6 bal gücündəki zəlzələ nəticəsində əmələ gələn dağıntılarda axtarış-xilasetmə işlərinə yekun vurulub. ONN media  xəbər verir ki, bu barədə Təbii Fəlakət və Fövqəladə Halların İdarə Olunması Agentliyinin (AFAD) prezidenti Mehmet Güllüoğlu bildirib. Onun sözlərinə görə, digər məsələlərdə işlər intensiv olaraq davam edir. Qeyd edək ki, zəlzələ nəticəsində 114 nəfər həlak olub, 1035 nəfər yaralanıb. 17 bina tamamilə dağılıb.