Ermənistanın baş hərbi müfəttişi Movses Hakobyan istefa verib. ONN media  bildirir ki, o, istefa məktubunu hökumətə təqdim edib. "Bəli, istefa məktubu yazdım. Səbəbləri haqqında daha sonra məlumat verəcəyəm", - Hakobyan erməni mediasına verdiyi açıqlamasında bildirib. Qeyd edək ki, Movses Hakobyan Nikol Paşinyan baş nazir seçildikdən sonra, 2018-ci ilin mayında baş hərbi müfəttiş təyin olunub. O, Ermənistan təhlükəsizlik şurasının katibi Armen Qriqoryanın əmisidir. Hakobyan həm də Dağlıq Qarabağdakı separatçı rejimin müdafiə ordusunun komandanı, Ermənistan silahlı qüvvələri baş qərargahının rəis müavini idi.