Baş nazir Nikol Paşinyanın istefasını tələb edən aktivistlər İrəvanda iki böyük prospekti bağlayıblar. ONN media  xəbər verir ki, iki qrup etirazçılar parlament binasının qarşısındakı Bağramyan prospektini və Tiqran Mets prospektini bağlayıblar. Bagramyan prospektində vəziyyətin gərgin olduğu bildirilir. Polis yolu təmizləməyə çalışır.

Küçələr maşınların hərəkətinə bağlanıb, hüquq-mühafizə orqanlarının əməkdaşları evakuatorlar çağırıb avtomobilləri götürməyə məcbur olublar. Tiqran Mets prospektində də vəziyyətin gərgin olduğu bildirilib. Polis güc tətbiq edərək etirazçıları yoldan çıxarır. Hərəkət qismən bərpa edilib. Onlarla şəxs saxlanılıb. Xatırladaq ki, 10 noyabrdan bəri İrəvanda Paşinyanın istefası tələbi ilə qarşı aksiyalar və yürüşlər keçirilib. Aksiyaların əsas təşkilatçıları “Daşnaksütyun”, “Vətən” və “Çiçəklənən Ermənistan” partiyalarıdır.