ATƏT-in Minsk Qrupu həmsədrləri yaxın gələcəkdə Dağlıq Qarabağa səfər edəcək. ONN media  xəbər verir ki, Ermənistan xarici işlər naziri Ara Ayvazyan bunu Rusiyalı həmkarı Sergey Lavrovla Moskvada keçirdiyi birgə brifinqdə bəyan edib. O bildirib ki, bu səfər gələcək məsləhətləşmələrin təməlini qoymalıdır: “Qarabağla bağlı hərtərəfli danışıqlar münaqişə zonasında vəziyyət sabitləşdikdən sonra başlayacaq. ATƏT-in Minsk Qrupu həmsədrlərinin yaxın gələcəkdə bölgəyə səfərini, habelə vasitəçilər və xarici işlər nazirləri (Ermənistan və Azərbaycan - red.) arasındakı məsləhətləşmələrin başlanmasını səbirsizliklə gözləyirik. Gələcəkdə yeni danışıqlar prosesinin başlaması üçün zəmin hazırlamaq mümkün olacaq”.