Daşnaksütyun Partiyasının üzvü İşxan Saqatelyan müxalifəti sabah İrəvanda parlamentin qarşısına toplaşmağa çağırıb.

ONN media  xəbər verir ki, Saqatelyan çağırışını Feysbuk vasitəsilə edib.

“Bu gün “Vətənin xilası hərəkatı”nın çağırışına cavab verən çoxsaylı vətəndaş bütün Ermənistan ərazisində dinc aksiyalar keçirdi. Sabah da eyni ruh yüksəkliyi, eyni qərarlılıqla davam edirik. Toplaşırıq və hakim rejimi xalqın istəyini qəbul etməyə məcbur edirik. Birlikdə vətəni xilas edəcəyik”, - Saqatelyan bildirib.

O, vətəndaşları saat 16:00-da parlamentin binası qarşısına toplaşmağa çağırıb.

Qeyd edək ki, dekabrın 5-də erməni müxalifəti Baş nazir Nikol Paşinyan və onun komandasına istefa verməsi üçün dekabrın 8-dək vaxt vermişdi. Ona görə də bu gün aksiya keçirmişdi.