Türkiyə pilotsuz helikopter istehsal edib. ONN media  xəbər verir ki, “Titra” texnologiya şirkəti tərəfindən istehsal edilən helikopter hərbi və mülki sahədə ehtiyacları qarşılamaq məqsədilə ərsəyə gətirilib. Helikopter haqqında məlumat verən şirkətin baş meneceri Salman Dönməz bildirib ki, hədəfimiz 2021-ci ilin sonlarına kimi kütləvi istehsala keçməkdir: “Bu platforma artıq uçuşa hazırdır, sınaqdan keçirilib. Bundan başqa, texnologiyası təsdiqlənmiş bir platformadır. Helikopter 800-850 kilometr uçuş mənzilinə sahibdir. 15 min futdan çox yüksəklikdə uça bilir, 7-8 saat havada qalır. Bundan başqa, 160 kiloqrama qədər yük daşıma qabiliyyətinə sahibdir”.