"Yerablur" hərbi panteonunda yas mərasimi keçirilərkən müharibədə oğullarını itirən analardan biri Ermənistanın Baş naziri Nikol Paşinyana göz yaşları ilə səslənib. "Niyə tək oğlumu apardın? Ocağım dağıldı. Səndən soruşuram, məni qəbul et, səninlə danışacaq bir şeyim var. Bu, siyasi məsələ deyil, xahiş edirəm. Nikol, "görüşəcəyəm" sözünü ver. Növbəti dəfə sən məni Davitaşenski körpüsündə görəcəksən, söz verirəm. Nikol, oğlum da sənin kimi burada olmalı idi, amma qəbirdədir. O, mənim yeganə övladım, padşahım idi. Bilirəm ki, sən günahkar deyilsən, amma həyatım mənasızdır. Siyasətə laqeyd yanaşmıram, amma ən dəyərli şeyimi itirdim, milyon versən də qazanc gətirməz. Evim belə yoxdur. Hər şeyi itirdim: həm uşaq, həm də ev", - qadın deyib.(milli.az)