ONN media  xəbər verir ki, bunu millət vəkili Qənirə Paşayeva  Mili Məclisdə 2021-ci il büdcəsinin müzakirəsi zamanı deyib. Millət vəkili qazilərin peşə təhsilinə cəlb edilməsini təklif edib. Bildirib ki, döyüşlərdə iştirak edənlərin əksəriyyəti ali təhsili və peşəsi olmayan insanlardır. “Onların əksəriyyəti müharibəyə getməmişdən öncə peşəsi olmadığından işsiz olublar. Ona görə də təklif edərdim ki, məşğulluq proqramı çərçivəsində bu insanların peşələrə yiyələnməsi və  işləməsini təmin etmək üçün addımlar atılsa yaxşı olardı. Buna ciddi ehtiyac var”- deputat qeyd edib. Millət vəkili  hər zaman olduğu kimi bu dəfə də Aliment Fondunun yaradılmasının zəruriliyini qeyd edib: “Boşanan ailələrdə ən ciddi əziyyət çəkən uşaqlardır. Ona görə də təklif edərdim ki, uzun müddət aliment almayan, az aliment alan qadınlar məşğulluq proqramına cəlb edilsin. Belə olarsa, o zaman həmin aiələlər öz övladlaırnı ciddi əziyyət çəkmədən övladlarını böyüdə bilərlər”.