Çinin “Sinopharm” şirkətinin hazırladığı COVID-19 peyvəndi 79,3% effektivdir. ONN media xəbər verir ki, bu barədə “Sinopharm”ın Pekin Bioloji Məhsullar İnstitutunun internet saytında açıqlama dərc olunub. Bildirilib ki, peyvəndin 3-cü mərhələ sınaqları başa çatdıqdan sonra dövlət qeydiyyatı üçün müraciət edilib. Qeyd edək ki, şirkət ilk dəfədir sınaqların son mərhələsi ilə bağlı rəsmi açıqlama verir. Bu peyvənd Qərbdə hazırlananlar kimi 2 doza formasında qəbul edilir. Bu arada, “Beijing Youth News” qəzeti Çinin “Sinovac” şirkətinin Pekində ildə 1 milyard ədəd peyvənd istehsal etmək potensialına malik mərkəz inşa edəcəyini yazıb.