Britaniya Xərçəng Araşdırmaları xeyriyyə təşkilatı (Cancer Research UK) güclü gecə tərləməsinin xərçəng əlamətlərindən biri olduğunu açıqlayıb. Britaniyalı onkoloqlar bununla bağlı insanlara xəbərdarlıq ediblər. Onlar bildiriblər ki, bu tip hallarda insan mütəmadi olaraq öz əhvalına fikir verməli, adi görünən simptomları görməzdən gəlməməlidirlər. Mütəxəssislərin sözlərinə görə, isti mühit və ya fiziki tapşırıqlarla bağlı olmayan tərləmə, xüsusi ilə təkrarlanan güclü gecə tərləmələri həkim müayinəsindən keçmək üçün ciddi səbəb yaradır.