Cozef Bayden rəsmən prezident olduqdan sonra ilk addım kimi Trampın imzaladığı bəzi qərarları ləğv edib. ONN media  xəbər verir ki, bu məlumatı “Röyter” agentliyi yayıb. Məlumata görə, ilk olaraq o, ölkənin Paris iqlim razılaşmasına qayıtması barədə sərəncam imzalayıb. Bayden Kanada ilə sərhəddə “Keystone XL” neft kəmərinin tikintisinin dayandırılmasına dair əmr də imza atıb. Maraqlı məqam odur ki, bu kəmərin tikintisinə 2015-ci ildə Barak Obama qarşı çıxsa da, Tramp prezident olduqdan sonra buna izn vermişdi. Baydenin imzaladığı növbəti əmr isə 6 müsəlman ölkəsi vətəndaşlarının ABŞ-a girişinə qoyulan qadağanın ləğvi ilə bağlı olub. Tramp dövründə qadağaların şamil edildiyi ölkələr sırasında Suriya, İran, Liviya, Somali, Sudan və Yəmən yer almışdı. Bayden həmçinin ABŞ-ın ÜST-ə qayıtması, eləcə də Meksika ilə sərhəddə divarın tikintisinin dayandırılması haqqında da sərəncam imzalayıb.