“İstifadə müddəti keçmiş iri infrastruktur layihələrinin təmirinə çox az vəsait sərf edirik”. ONN media  bildirir ki, bunu “Azərsu” ASC-nin İqtisadi təhlil və proqnozlaşdırma şöbəsinin rəisi Elçin Camalov deyib. O bildirib ki, “Azərsu” ASC-nin istehlak xərclərinin 3-5 faizi təmir xərclərinə sərf olunur: “Bu isə iri infrastruktur layihələrinin uzunmüddətli dövrdə istismar müddətini dəfələrlə başa vurmasına gətirib çıxarır. Bu məqsədlə də tariflərin artırılması zəruri hala çevrilmişdir. Tariflərin artırılmasında məqsədlərin biri də suya israfçılığın qarşısını almaqdır. Bizim məqsədimiz istehlakçıları içməli su təchizatı ilə təmin etməkdir. Bəzən görürük ki, içməli su suvarma və ya sənayenin hansısa sahəsində istifadə edilir və israfçılığa yol açır”.