Türkiyə Silahlı Qüvvələrinin İraqın şimalındakı Qara bölgəsində apardığı "Pençe Kartal-2" əməliyyatı nəticəsində məhv edilən PKK terrorçularının sayı 53-ə yüksəlib.

ONN media xəbər verir ki, əməliyyat zamanı daha 3 terrorçu məhv edilib.

Türkiyə Milli Müdafiə Nazirliyindən verilən məlumatda qeyd edilib ki, terrorçular pilotsuz uçuş aparatı vasitəsilə zərərsizləşdirilib.

Qeyd edək ki, Türkiyə sərhədlərinin təhlükəsizliyin təmin olunmasına və daha əvvəl terrorçular tərəfindən oğurlanmış vətəndaşlarının axtarışlarına yönəldilmiş “Pençe Kartal-2” ("Qartal caynağı") əməliyyatı 2021-ci ilin 10 fevralında başlanmışdı.

Hərbi Hava Qüvvələrinin əməliyyatı çərçivəsində terrorçular tərəfindən sığınacaq və anbarlar kimi istifadə edilən 50-dən çox obyekt məhv edilib.