Yasamal rayonu Şixəli Qurbanov-19 ünvanında fəaliyyət göstərən bərbərxanada qeydə alınan və kadrlarda polis əməkdaşının qadına qarşı zorakı hərəkətini əks etdirən görüntülərlə bağlı araşdırma başlayıb.

ONN media xəbər verir ki, bu barədə axar.az-ın sorğusuna cavab olaraq Daxili İşlər Nazirliyinin mətbuat xidmətindən deyilib. Nazirlik araşdırmanın nəticəsindən asılı olaraq əmələ qiymət veriləcəyini bildirib.

Qeyd edək ki, sözügedən videoda 27-ci Polis Bölməsinin sahə müvəkkili Camal Qubad oğlu Qubadovun bərbərxanada işləyən qeydiyyatçı xanıma maska taxmadığına görə cərimə yazmaq istəməsi, qadının buna etirazı zamanı isə ona qarşı zorakılıq etməsi əks olunub.

https://youtu.be/bl8MMDN44i8