ABŞ-ın Nyu-York şəhərinin hüquq-mühafizə orqanları metroda bir sıra insan qətllərində və sui-qəsdə şübhəli bilinən şəxsi saxlayıb. ONN media xəbər verir ki, Nyu-York metrosunda iki gün ardıcıl olaraq qətl hadisəsi törədilib. İnsidentlər nəticəsində iki nəfər bıçaqlanaraq qətlə yetirilib, daha iki nəfər yaralanıb. Saxlanılan şəxs 21 yaşlı Riqoberto Lopes adlı gəncdir. Məlum olub ki, o, metroda olan evsiz insanlara heç bir səbəb olmadan hücum edib. R.Lopes qurbanlarının hamısını yuxuda olarkən bıçaqlayıb.