Rusiyada koronavirusa qarşı hazırlanan “Kovivak” adlı üçüncü vaksin 20 fevralda dövlət qeydiyyatından keçiriləcək. ONN media  xəbər verir ki, vaksindən növbəti ayın sonundan kütləvi peyvəndləmədə istifadə edilməsi planlaşdırılır. Qeyd edək ki, daha əvvəl Rusiyada “Sputnik V” və “Epivakkorona” adlı vaksinlər dövlət qeydiyyatından keçirilmişdi. Rusiyada kütləvi vaksinasiya 18 yanvardan bəri aparılır. Bu günə qədər 1,7 milyon nəfər 2 doza, 2,2 milyon nəfər isə 1 doza vaksin vurdurub. Vaksinasiya sayəsində gündəlik yoluxma sayı 20 mindən 3 minə qədər enib.