Bu gün Fövqəladə Hallar Nazirliyinin "112" qaynar telefon xəttinə Bakı şəhərinin Səbail rayonunda üçmərtəbəli yaşayış binasının 2-ci mərtəbəsinin eyvanında daş parçasının asılı vəziyyətdə qalması barədə məlumat daxil olub.

ONN media nazirliyin mətbuat xidmətinə istinadən xəbər verir ki, ərazidən keçən insanların təhlükəsizliyinin təmin olunması məqsədilə Xüsusi Riskli Xilasetmə Xidmətinin xilasediciləri çağırış ünvanına cəlb olunub.

Xilasedicilər daş parçasını müvafiq qaydada götürərək təhlükəni aradan qaldırıblar.