Türkiyənin Xarici İşlər naziri Mövlud Çavuşoğlu ABŞ Dövlət Katibi Entoni Blinkenlə görüşüb.

ONN media xəbər verir ki, görüş NATO xarici işlər nazirlərinin iclası çərçivəsində Brüsseldəki NATO qərargahında baş tutub.

Bu, ABŞ Dövlət katibi təyin olunduqdan sonra, E.Blinkinin M.Çavuşoğlu ilə ilk görüşüdür.

Çavuşoğlu və Blinkin daha əvvəl fevralın 15-də telefonda danışıblar və ikitərəfli əlaqələrlə yanaşı, regional məsələləri, FETÖ və PKK/PYD terror təşkilatları, terrorizmlə mübarizə, S-400, Suriya və Şərqi Aralıq dənizindəki vəziyyəti müzakirə ediblər.