Gürcüstanın Daxili İşlər Nazirliyinin (DİN) əməkdaşı, polis mayoru intihar edib.

ONN media xəbər verir ki, o, Tbilisidəki evinin həyətində pnevmatik silahı ilə özünü öldürüb.

Hadisənin səbəbləri məlum deyil.

"Mtavari"nin yazdığına görə, işə getməzdən əvvəl onun mobil telefonuna zəng gəlib, sonra evdən çıxıb və özünü vurub. Ancaq faktın şahidi yoxdur.

Faktla bağlı Cinayət Məcəlləsinin özünü öldürmə həddinə çatdırma maddəsi üzrə cinayət işi açılıb, araşdırma aparılır.