Rusiya Vaşinqtonun sanksiya səylərini qınayır və buna eyni formada cavab verəcək. ONN media  xəbər verir ki, bunu Rusiya Prezidentinin mətbuat katibi Dmitri Peskov deyib. “Biz istənilən sanksiya cəhdini qınayırıq, onları qanunsuz sayırıq. İstənilən halda bu işdə qarşılıq prinsipi var”, – deyə o bildirib. Peskov ABŞ-ın mümkün yeni sanksiyalarının Rusiya və ABŞ liderləri arasında görüşə qatqı verməyəcəyini deyib: “Mümkün sanksiyalar heç bir halda Putin və Baydenin ikitərəfli görüşünü yaxın həftələrdə təşkil etməyə yardımçı olmayacaq. Məsələ hələ də əvvəlki kimi analiz mərhələsindədir”.