Azərbaycan neftinin qiyməti artmaqda davam edir. “Azeri Light” markalı neftin bir barelinin qiyməti 0,64 ABŞ dolları və ya 0,95 faiz bahalaşıb. Nəticədə dünya bazarında Azərbaycan neftinin bir barelinin qiyməti 67,71 dollar olub. Qeyd edək ki, “Azeri Light” markalı neftin bir barelinin qiyməti 2020-ci ilin aprel ayında minimal səviyyədə – 15,81 dollar olub, 2008-ci ilin iyulunda isə maksimum qiymətə – 149,66 dollara satılıb.