Dünən Niderlandın ev sahibliyi etdiyi “Eurovision” mahnı müsabiqəsinin rəsmi açılış mərasimi baş tutub. ONN media  xəbər verir ki, bir çox ölkənin iştirak etdiyi tədbirdə Azərbaycan təmsilçisi Samirə Əfəndi parlaq çəhrayı geyimilə göz qamaşdırıb. Gecə üçün dünya şöhrətli azərbaycanlı dizayner Rüfət İsmayılın geyimini seçən müğənni bütün diqqətləri öz üzərinə çəkə bilib. Onun makiyajı üzərində isə stilist Anar Ağakişiyev çalışıb. Samirə Əfəndinin geyimi çoxları tərəfindən bəyənilsə də, eyni dizaynerə aid oxşar modelin bir müddət əvvəl Xalq artisti Aygün Kazımovanın geyinməsi instaqramda müzakirələrə səbəb olub. Başqa bir qrup isə libası Aysel Məmmədovanın eyni rəngli bir geyiminə bənzədib. Məlumat üçün bildirək ki, Samirənin səhnə kostyumu da qalmaqala səbəb olub. Belə ki, Azərbaycan təmsilçisinin müsabiqədə geyinəcəyi libasın oxşarını yenə Xalq artisti Aygün Kazımovanın əynində görmüşdük.