Bakıda hündürmərtəbəli yaşayış binasında partlayış olub.

ONN media  xəbər verir ki, hadisə paytaxtın Yasamal rayonu, Əsəd Əhmədov küçəsi 23 ünvanında baş verib. Həmin ünvanda yerləşən 12 mərtəbəli yaşayış binasının 6-cı mərtəbəsində mənzillərdən birinin mətbəxində qaz balonu parlayıb. Partlayış yanğına çevrilib.

Əraziyə Fövqəladə Hallar Nazirliyinin yanğınsöndürmə briqadaları cəlb edilib. Hazırda yanğının söndürülməsi ilə bağlı tədbirlər görülür.

Hələlik xəsarət alanlar haqqında məlumat verilmir.