"Rusiya Ermənistandakı növbədənkənar parlament seçkisinin nəticələrinin ölkənin inkişafına və Moskva ilə gələcək əlaqələrin möhkəmləməsinə kömək olacağına ümid edir”.

ONN media  xəbər "RİA Novosti"yə istinadla xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

"Ümid edirik ki, seçki prosesinin nəticələri qanunvericilik rəsmiləşdirilməsindən sonra Ermənistanın gələcək inkişafına, Rusiya-Ermənistan münasibətlərinin daha da möhkəmlənməsinə, eləcə də bütün Zaqafqaziya regionunda sülhün, təhlükəsizliyin və sabitliyin təmin olunmasına, ilk növbədə, Azərbaycan, Ermənistan və Rusiya liderlərinin 9 noyabr 2020-ci il və 11 yanvar 2021-ci il tarixli üçtərəfli bəyanatlarının tam icrasına kömək edəcək", - deyə XİN sözçüsü əlavə edib.