Qarabağda axtarışlar zamanı Azərbaycan Silahlı Qüvvələri tərəfindən məhv edilmiş daha bir erməni hərbçisinin cəsədinin qalıqları tapılıb.

Bu barədə Ermənistan mətbuatı məlumat yayıb.

Bildirilir ki, cəsədin qalıqları işğaldan azad olunmuş Füzuli rayonu ərazisində aşkarlanaraq qarşı tərəfə təhvil verilib.

Qeyd edilib ki, cəsədin əxsiyyətini müəyyənləşdirmək üçün məhkəmə ekspertizası təyin edilib.

Xatırladaq ki, hərbi əməliyyatlar bitdikdən bu günə qədər 1591 erməni hərbçisinin cəsədi və ya qalıqları tapılıb.