Rusiyanın paytaxtı Moskvada terror aktı hazırlayan şəxs yaxalanıb.

ONN media  xəbər verir ki, RT TV Federal Təhlükəsizlik Xidmətinin (FSB) keçirdiyi əməliyyatın görüntülərini yayımlayıb.

Xəbərə əsasən, terror aktına hazırlıq şübhəsilə saxlanılan şəxs Rusiya vətəndaşıdır. O, insanların sıx toplaşdığı məkanlardan birində partlayış törətmək üçün kustar üsula xüsusi qurğu hazırlamaq istəyib.

Məlumata görə, onun üzərindən və sığınacağından sözügedən qurğunun komponentləri, onlardan istifadə barədə təlimatlar, eləcə də Suriyada məskunlaşmış beynəlxalq terror şəbəkəsi üzvlərilə yazışmaları aşkar olunub.

Faktla bağlı cinayət işi açılıb.