Türkiyə Böyük Millət Məclisinin sədri Mustafa Şentop və Azərbaycan Xarici İşlər naziri Ceyhun Bayramov arasında görüş keçirilib.

ONN media xəbər verir ki, görüş zamanı C.Bayramov Azərbaycan, Türkiyə və Pakistan parlament sədrlərinin Bakı Bəyannaməsini imzalaması münasibətilə təbrik edib və qeyd edib ki, bu bəyannamə bütün sahələrdə ölkələrimiz arasında əməkdaşlığın inkişafına, xüsusilə parlamentlər arasında əlaqələrin gücləndirilməsinə mühüm töhfə verəcək.

M.Şentop da öz növbəsində üç qardaş ölkə arasında əlaqələrin bundan sonra daha da güclənəcəyini diqqətə çatdırıb.