Ötən gündən Türkiyənin Rizə bölgəsində başlayan şiddətli yağışlar vilayətin bəzi yaşayış məntəqələri üçün təhlükə yaradıb.

ONN media xəbər verir ki, bir sıra evlər şiddətli yağışlar və dolu nəticəsində qəzalı vəziyyətə düşüb. Əraziyə fövqəladə hallar nazirliyinin əməkdaşları cəlb edilib. Əhalinin bir qismi təxliyə olunub.

Yaşayış məntəqələrinə yaxın yüksəkliklərdə və dağlarda torpaq sürüşməsi yaranıb. Bəzi evlərin divarları çatlayıb. Evlərindən çıxan sakinlərin bir qisminin məsciddə və ya qohum evlərində gecələdiyi bildirilir.