Kollektiv Təhlükəsizlik Müqaviləsi Təşkilatının (KTMT) baş katibi Stanislav Zas Ermənistanın cənub-qərb sərhədinə səfər edib.

ONN media  xəbər verir ki, bu barədə Ermənistan mətbuatı məlumat yayıb.

Bildirilib ki, onu Ermənistan Silahlı Qüvvələrinin Ümumi Təlim İdarəsinin rəisi, Silahlı Qüvvələrin Baş Qərargahının rəis müavini, general-leytenant Andranik Makaryan müşayiət edib.

Qeyd edilib ki, təşkilatın baş katibi, xüsusən sərhədin Yerasx (Arazdəyən) hissəsində yerləşən hərbi istehkama baş çəkib, sərhəddəki vəziyyətlə tanış olub.

Stanislav Zasa hər zaman olduğu kimi, bu dəfə də erməni komandanlar tərəfindən yanlış məlumatlar verilib.

KTMT baş katibi bazadakı xidmətlə tanış olub və hərbçilərlə söhbət edib.