Kəlbəcər rayonunda xəsarətlə nəticələnən yol-nəqliyyat hadisəsi qeydə alınıb.

ONN media xəbər verir ki, VAZ-21021 markalı avtomobil idarəetmədən çıxaraq aşıb.

Hadisə zamanı avtomobildə olan 5 nəfərdən 3-ü, Natiq Məmmədov (2002-ci il təvəllüdlü), Hüseyn Əmraslanov (1999-cu il) və Niyaməddin Hüseynov (1997-ci il) xəsarət alıblar.

Yaralılar Gəncə şəhərində yerləşən xəstəxanaların birinə aparılıblar. Onların hər üçünün vəziyyətinin normal olduğu bildirilir.

Qeyd edək ki, avtomobil qəzasına düşənlər Kəlbəcər ərazisində infrastruktur işləri görən şirkətlərdən birinin əməkdaşlarıdır.

Faktla bağlı araşdırmalara başlanılıb.