Rusiya Prezidenti Vladimir Putin və iranlı həmkarı İbrahim Rəisi arasında telefon danışığı baş tutub.

ONN media xəbər verir ki, bu barədə Kremlin mətbuat xidmətinin məlumatında deyilir

Tərəflər Əfqanıstanda baş verən son prosesləri müzakirə edib, bu ölkədə sülhün və sabitliyin bərqərar olmasında birgə hərəkət etməyə hazır olduqlarını açıqlayıblar.

Bundan əlavə, Putin və Rəisi İran nüvə razılaşmasının həyata keçirilməsinin bərpası perspektivlərini müzakirə ediblər və şəxsi təmasları davam etdirmək barədə razılığa gəliblər.