İtaliyanın Siciliya bölgəsindəki Palermoda kəskin istilər nəticəsində tabutlar partlayıb.

ONN media xəbər verir ki, dəhşətli istilərlə yanaşı İtaliyada koronavirusdan vəfat edənlərin sayının artması vəziyyəti daha da gərginləşdirib.

Dəfn edilməyi gözləyən tabutlar dəhşətli istilər nəticəsində partlamağa başlayıb.

Palermo Qəbiristanlıqlar İdarəsinin direktoru Leonardo Kristaofaro problemin həllinin yalnız meyitləri vaxtında dəfn etmək olduğunu söyləyib. Onun sözlərinə görə, tabutların partlaması sağlamlıq üçün ciddi risklər yarada bilər.

Koronavirusdan yaxınlarını itirən şəxslər vəziyyətdən narahatlıqlarını ifadə edib.

Yerli mediaya danışan Paolo adlı şəxs oğlunu və həyat yoldaşını dəfn etmək üçün qəbiristanlıqlarda yer tapılmadığını deyib. O bildirib ki, qəbiristanlıqlarda kim tez gəlib yer tutsa, onlar ölülərini dəfn edə bilir.