Bu gün günorta saatlarında Bakı şəhər Nəsimi rayonu ərazisində - Azadlıq ilə Vaqif prospektlərinin kəsişməsində (“Koala Park”ın yanı) yol qəzası baş verib.

ONN media  xəbər verir ki, sürücünün idarəetməsindən çıxan “Toyota Prius” yoldan çıxaraq reklam dirəyinə çırpılıb. Nəticədə avtomobil tamamilə yararsız vəziyyətə düşüb. Xoş təsadüf nəticəsində nə maşınları idarə edən sürücülər, nə də piyadalar arasında ciddi xəsarət alan olub.

Bildirilib ki, hadisə vaxtı 2 "Toyota Prius" Vaqif prospekti ilə eyni istiqamətdə hərəkət edirmiş. Bu zaman onlar bir birinə çırpılıb və avtomobillərdən biri yoldan çıxıb.

Faktla bağlı araşdırma aparılır.