Dünən Gürcüstanın Rustavi şəhərində 17 saylı həbsxanada baş vermiş yanğın zamanı iki nəfər həlak olub.

ONN media xəbər verir ki, həlak olan şəxslər məhbus olub.

Bildirilir ki, yanğın günorta saatlarında həbsxananın mətbəxində başlayıb. Hadisə yerinə ümumilikdə 6 yanğınsöndürən briqadası və 11 maşın cəlb olunub. 

Yanğının hansı səbəbdən baş verməsi hələ məlum deyil.

Qeyd olunur ki, sözügedən həbsxana ölkənin keçmiş Prezidenti Mixail Saakaşvilinin saxlanıldığı 12 saylı həbsxananın yaxınlığında yerləşir.