Həbsdə olan Ermənistanın sabiq müdafiə naziri David Tonoyana ailəsi ilə görüşmək və telefon danışıqları qadağan olunub.

ONN media xəbər verir ki, bu barədə “faktinfo”ya açıqlamasında Tonoyanın vəkili Sergey Ovanesyan deyib.

Onun sözlərinə görə, ümumiyyətlə, Tonoyanla  görüşlər məhdudlaşdırılıb. 

Vəkil onu da əlavə edib ki, sabiq nazirlə bağlı qaldırılan iş çox ləng gedir və istənilən səviyyədə həyata keçirilmir. 

O deyib ki, sabiq nazirə qarşı qoyulan məhdudiyyətlərin aradan qaldırılması ilə bağlı qanunvericilik qaydasında şikayət etmək istəsə də, Tonoyan bununla razı deyil.

“Tonoyan istəmir. O, yaranmış vəziyyətlə bağlı şərh vermək istəmir və bizi də onun barəsində verilən qərarlardan apelyasiya şikayətindən imtina etməyə çağırıb”, - vəkil bildirib.