Azərbaycan millisinin və Polşa "Legiya"sının futbolçusu Mahir Emreli bu gün "Qarabağ"ın bazasında olub.

ONN media xəbər verir ki, bu bardədə klubun Mətbuat Xidmətinin rəhbəri Gündüz Abbaszadə "Report"a məlumat verib.

O bildirib ki, 24 yaşlı hücumçu Ağdam təmsilçisinin baş məşqçisi Qurban Qurbanovla görüşüb.

Abbaszadə bildirib ki, Emrelinin sabiq klubunun bazasına gəlişi sırf 49 yaşlı mütəxəssisi görmək istəyilə bağlı olub: "Onun "Qarabağ"a transferi müzakirə mövzusu deyil. Ümumiyyətlə, bu barədə söhbət olmayıb. Mahirin öz komandası, öz yolu var. Sadəcə, keçmiş futbolçumuz, "Qarabağ"da xidmətləri olmuş biri kimi bazaya gələrək, Qurban müəllimlə görüşüb".