Yanvarın 31-də gecə saatlarında Gürcüstanın qərbindəki Tkibuli kömür mədənində partlayış baş verib. 

ONN media xəbər verir ki, şaxtada baş verən partlayışda bir nəfər ölüb, 8 nəfər isə yaralanıb.

Zərərçəkənlərdən birinin vəziyyəti ağırdır. 

Tkibulidə şaxtada baş verən partlayış nəticəsində yaralanan 8 nəfər təcili yardım maşını ilə Tbilisidəki klinikaya aparılıb.

Qəzanın mümkün səbəbləri barədə hələlik məlumat verilmir. 

Gürcüstan Daxili İşlər Nazirliyinin məlumatına görə, Cinayət Məcəlləsinin mədən, tikinti və ya digər işlərin görülməsi zamanı təhlükəsizlik qaydalarının pozulmasını nəzərdə tutan 240-cı maddəsi ilə istintaq başlayıb.