ABŞ prezidenti Co Baydenin baş elmi müşaviri Erik Lander öz tabeliyində olan işçilərə təzyiqlərinə görə istefa verib. 

ONN media xəbər verir ki, prezidentin müşaviri istefa ərizəsində bunları qeyd edib:

“İstefa ərizəmi verirəm... Keçmiş və indiki həmkarlarımı onlarla danışıq tərzimlə incitdiyim üçün çox pis oldum”.

Bundan əvvəl Ağ Evin apardığı iki aylıq daxili təhqiqat ABŞ-ın Elm və Texnologiyalar Bürosunun Siyasəti üzrə Direktoru Landerin tabeliyində olanları acılayaraq, alçaldıcı ifadələr işlətdiyini müəyyən edib. Onun bu hərəkəti ilə bağlı onun tabeliyində işləyən 14 əməkdaş şikayət edib.