ONN İnformasiya Agentliyi

Göyçayda yaşayış binasında GÜCLÜ YANĞIN: xəsarət alanlar var

Göyçayda yaşayış binasında GÜCLÜ YANĞIN: xəsarət alanlar var
23-03-2022, 20:24

Göyçayda yaşayış binasında yanğın baş verib.

Hadisə bu gün saat 17:30 radələrində şəhərin Nizami küçəsindəki 29 saylı ünvanda yerləşən 16 mənzilli, ikimərtəbəli yaşayış binasında qeydə alınıb. 

Yanğın hadisəsi binanın 2-ci mərtəbəsində yaşayan rayon sakini 1955-ci il təvəllüdlü Musayeva Fəridə Əsgər qızına məxsus ümumi sahəsi 70 kvadratmetr olan 4 otaqlı evdə baş verib. 

Yanğının söndürülməsi üçün əraziyə FHN-nin Göyçay Dövlət Yanğından Mühafizə Hissəsinin 3 yanğınsöndürən maşını və canlı qüvvəsi cəlb olunub.

Hadisə zamanı evin iki otağı və içəridəki əşyalar yanıb, qalan hissə yanğınsöndürənlər tərəfindən alovdan mühafizə olunub. 

Yanğın zamanı təhlükəsizlik məqsədilə bina sakinləri təxliyə olunub. Yanğın qısa vaxtda söndürülüb, alovun bütün binanı əhatə etməsinin qarşısı alınıb. 

Hadisə zamanı ailə üzvləri evdə olub. Ev sahibi, 1955-ci il təvəllüdlü Məcidov Fikrət Tərlan oğlu və onun oğlu, 1978-ci il təvəllüdlü Məcidov Pərviz Fikrət oğlu bədənin müxtəlif nahiyələrindən yanıq xəsarətləri alıblar. 

Hadisənin elektrik naqilində baş verən qısaqapanma səbəbindən baş verdiyi bildirilir.

Faktla bağlı araşdırma başladılıb.

OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png