Azərbaycan və Qazaxıstan arasında Ticarət-iqtisadi əməkdaşlıq üzrə birgə Hökumətlərarası Komissiyanın Azərbaycan üzrə yeni tərkibi təsdiq edilib.

Bu barədə Prezident İlham Əliyev sərəncam imzalayıb.

Dəyişikliyə əsasən, "Azərbaycan Respublikası nəqliyyat, rabitə və yüksək texnologiyalar nazirinin müavini” sözləri “Azərbaycan Respublikası rəqəmsal inkişaf və nəqliyyat nazirinin müavini” sözləri ilə əvəz edilsin və həmin hissəyə “Azərbaycan Respublikası Dövlət Turizm Agentliyi sədrinin müavini” sözlərindən sonra “Azərbaycan Respublikası Qida Təhlükəsizliyi Agentliyinin sədrinin müavini” sözləri, “Azərbaycan Hava Yolları” Qapalı Səhmdar Cəmiyyətinin birinci vitse-prezidenti” sözlərindən sonra “Ələt azad iqtisadi zonasının səlahiyyətli qurumunun İdarə Heyətinin sədri” sözləri əlavə edilib.

Azərbaycan Xarici İşlər Nazirliyi bu sərəncamda edilən dəyişiklik barədə Qazaxıstan tərəfinə bildiriş göndərməlidir.ç