Ukraynada Donetsk və Luqansk Xalq Respublikalarının tam azad edilməsinə yönəlmiş xüsusi hərbi əməliyyatın növbəti mərhələsi başlayır.

Bu barədə çərşənbə axşamı "India Today" telekanalına müsahibəsində Rusiyanın xarici işlər naziri Sergey Lavrov bildirib.

"Ukraynanın şərqindəki əməliyyat, əvvəldən elan olunduğu kimi, Donetsk və Luqanskın tam azad edilməsinə yönəlib. Bu əməliyyat davam edəcək, bu əməliyyatın növbəti mərhələsi başlayır və düşünürəm ki, indi vacib bir an olacaq"-o qeyd edib.

“Moskva” kreyserinin batması ilə bağlı suala isə xarici işlər naziri belə cavab verib: "Bu, Müdafiə Nazirliyinin işidir. Baş verənləri izah etdilər. Mən buna heç nə əlavə edə bilmərəm".