Türkiyəli aktyor İsmayıl Ege Şaşmazın "Barış Akarsu" filmindəki tərəf müqabili olacağı deyilən aktrisa Aslı Bekiroğlu layihədə yer almaqdan imtina edib.

ONN media xəbər verir ki, o, bu barədə instaqram hesabında yazıb. Aslı qatıldığı tədbirdə layihə ilə bağlı sualları müqavilə səbəbindən cavablandıra bilmədiyini söyləyib. O, əlavə edib ki, bu hərəkəti mərhum ifaçının sevənləri tərəfindən birmənalı qarşılanmayıb. Bu səbəbdən o, müğənnini sevənləri daha da kədərləndirməmək üçün ekran işindən ayrılmaq qərarı aldığını bildirib.

Xatırladaq ki, Aslı müxbirin "Barış bəy faciəvi ölüm yaşadı, bu barədə nə demək istərdiniz?" sualına gülərək “Nə deyim, başı sağ olsun" deyə cavab verməsi tənqid olunub.

Qeyd edək ki, Aslının filmdə Akarsunun sevgilisi obrazına həyat verməsi planlaşdırılırdı.(axşam.az)