Türkiyə "Gökdoğan" və "Bozdoğan" raketlərinin kütləvi istehsalına hazırlaşır.

ONN media xəbər verir ki, bunu Türkiyə Elmi və Texniki Araşdırmalar Şurasının (TÜBİTAK) nəzdində fəaliyyət göstərən Türkiyə Müdafiə Sənayesi Araşdırma İnstitutunun (SAGE) rəhbəri Gürcan Okumuş deyib.

Onun sözlərinə görə, aktiv radiolokasiyalı özütuşlama sistemi ilə təchiz edilmiş raketlərin seriyalı istehsalına hazırlıq son mərhələdədir.

Okumuş bildirib ki, hazırda yerüstü, həmçinin təyyarədən buraxılış sınaqları həyata keçirilir.